చిత్తములో, వేలకొలది
ఉత్తమయోచనలు కూడ రూపింపనిచో
ఉత్తవెయగు, రాతినిఁబడు
విత్తునమునఁ బ్రాణమెట్లు వెల్వడు శాస్త్రీ!
కొన్ని పదాలకు అర్థాలు:
--
రూపించు = నిరూపించు, చేసి చూపు
వెల్వడు = వెలువడు, బయటకు వచ్చు
భావము: మనసులో వేలకువేలుగా ఆలోచనలు ఉన్నా, వాటిని మనం ఆచరణలో పెట్టి ఋజువుచెయ్యకపోతే, అవి పనికిరావు. రాతిపైన పడిన విత్తనం మొలకెత్తుతుందా? (రాతిని ఊహలతోనూ, ఆలోచనలను విత్తనముతోనూ, మట్టిని వాస్తవంతోనూ పోల్చడం జరిగింది).
7 comments:
మీ శతకానికి ప్రత్యేకమైన అందం మకుటంలో ఉందని అనిపిస్తున్నది. శాస్త్రీ అన్న పదం అటు సరళమైన పదాలకు, ఇటు కఠినమైన పదాలకు రెంటికీ చక్కటి ఊనిక చేకూరుస్తున్నది. అభినందనలు.
@రవి
"శాస్త్రీ" అన్నది మా నాన్నగారు పేరు. త్వరలోనే ఈ పద్యాలను పూర్తి చెయ్యగలనని ఆశిస్తున్నాను. మీ మంచి మాటలకి నా కృతజ్ఞతలండి :)
వేమన శతకాలంత ఇంటరెస్టింగా ఉన్నాయండీ..శాస్త్రీ శతకాలు.
మళ్ళీ రాయడం మానేశారాండీ..శాస్త్రి శతకాలు?
@ప్రణీతాస్వాతి
:-( ఏప్రిల్ నెలనుండి మళ్ళీ (నా చిట్టి) అనుభవసారాన్ని త్రవ్వి వ్రాస్తాను. ఈ ఆగష్టు సమయానికి పూర్తిచెయ్యాలని నా ఆకాంక్ష. మీ ప్రోత్సాహం నాకు ఎంతగానో ఉపయోగపడుతోంది :)
చిట్టి.. ఆ అమ్మాయెవరు? :) :)
@మందాకిని గారు
నన్ను involve చెయ్యకండి మందాకిని గారు. నాకసుంటియ్యేవీ తెలియవు.
Post a Comment